Մենք շահագրգիռ ուժերին թույլ չենք տա մասնատել Թուրքիան. Էրդողան
Թուրքական Sabah թերթի փոխանցմամբ՝ Թուրքիայի վարչապետ Ռեջեփ Էրդողանը ելույթ է ունեցել Չանաքքալե (Դարդանել) քաղաքում՝ կապված Դարդանելի օպերացիայում (1915) տարած հաղթանակի 98-ամյակի հետ.
«Կան ուժեր, որոնք շահագրգռված են Թուրքիայի մասնատման մեջ: Սակայն մենք դրա համար նրանց չենք ընձեռի հարմար պահ: Մենք ճանաչում ենք միայն մեկ դրոշ: Դա արյան գնով ներկված Թուրքիայի դրոշն է: Թուրքիայի բոլոր բնակիչներն ունեն հավասար իրավունքներ՝ անկախ իրենց ազգային պատկանելությունից»:
Հիշեցնենք, որ է 2012 թվականի դեկտեմբերի սկզբներին ԱՄՆ Ազգային հետախուզական խորհուրդը հրապարակել էր «Գլոբալ տենդենցներ 2030» զեկույցը, որի 131-րդ էջում նշված է, որ Թուրքիան մասնատվելու վտանգի տակ է՝ ի դեմս քրդական վերելքի:
