Իրանցի սահմանապահները ձերբակալել են Ադրբեջանի 17 քաղաքացիների
Իրանական Mehr լրատվական գործակալության փոխանցմամբ՝ իրանցի սահմանապահները ձերբակալել են Ադրբեջանի 17 քաղաքացիների, որոնք փորձել են ապօրինաբար հատել թուրք-իրանական սահմանը: Այս մասին հայտնել է Իրանի սահմանապահ զորքերի հրամանատար, գեներալ Հուսեին Զուլֆուգարին:
Վերջինիս խոսքերով՝ ձերբակալվածներից 15-ը տղամարդիկ են, իսկ երկուսը՝ կանայք: Նա հավելել է, որ իրանցի մաքսանենգները նրանց թողել են սահմանամերձ տարածքում և հեռացել՝ դրանով իսկ սպառնալիքի տակ դնելով նրանց կյանքը՝ ցուրտ եղանակի ու ձյան պատճառով:
