Էպոսագետին մինչև օրվա վերջ կձերբակալե՞ն
Չնայած թե Ազգային անվտանգության ծառայությունը, թե ՀՀ նախագահի նախկին թեկնածու Վարդան Սեդրակյանը հերքել են ԶԼՄ-ներում տարածված այն տեղեկությունները, որ էպոսագետ թեկնածուն ձերբակալվել է, լուրերը չեն դադարում։
Լրատվամիջոցներից շատերը նշում են, որ այս պահին ԱԱԾ-ն խուզարկություններ է իրականացնում Վ.Սեդրակյանին պատկանող մի քանի բնակարաններում և գրասենյակում։Ավելին՝ նշվում է, որ դրանց ավարտից հետո Վ.Սեդրակյանը կձերբակալվի։
ԱԱԾ-ն խուզարկությունների վերաբերյալ լուրերը չի մեկնաբանել։ Ինչ վերաբերում է ձերբակալությանը, ապա 168.am-հարցին, թե ճի՞շտ են այն լուրերը, ըստ որոնց` Ազգային անվտանգության ծառայությունը ձերբակալել է Վարդան Սեդրակյանին, ԱԱԾ մամուլի խոսնակ Արծվին Բաղրամյանը նշել էր, որ ինքը նման լուր «ԴԵՌ չի լսել»:
Հիշեցնենք նաև, որ ընտրություններից օրեր առաջ ինքը՝ Վարդան Սեդրակյանը կանխատեսել էր, որ ընտրություններից հետո իրեն կձերբակալեն Պ.Հայրիկյանի դեմ կատարված հարձակման գործի շրջանակներում, քանի որ ձերբակալվածներն աշխատել են իր տանը։Պարույր Հայրիկյանն, ի դեպ, այդ առիթով նշել էր, որ չի կասկածում ոչ Վարդան Սեդրակյանին, ոչ էլ թեկնածուներից որևէ մեկին։
