ԱԳՆ-ի շենքը գնել ցանկացող չկա
ՀՀ Արտաքին գործերի նախարարության շենքի աճուրդը չի կայացել։ Ինչպես լրագրողների հետ զրույցում նշել է «Աճուրդի կենտրոն»-ի Լյուդվիգ Գրիգորյանը, աճուրդի մասին լուրը նախօրոք տեղադրված է եղել կայքերում, եղել են հետաքրքրվողներ, սակայն դիմումներ չեն եղել, և աճուրդը չի կայացել:
Նշենք, որ աճուրդի մեկնարկային գինը 51 270 840 ԱՄՆ դոլարին համարժեք ՀՀ դրամ էր:
Հիշեցնենք նաև, որ ի սկզբանե կառավարությունը պայմանավորվածություն էր ձեռք բերել շենքը վաճառել Էդուարդո Էռնեկյանին պատկանող «Տանգո» ընկերությանը, սակայն կողմերը հետագայում հրաժարվեցին գործարքից։
