Սիրիայում կանխվել է Բաշար Ասադի դեմ Թուրքիայի ու Ֆրանսիայի հատուկ ծառայությունների պատրաստած մահափորձը. մամուլ
![](https://168.am/wp-content/uploads/2013/03/esad-1.jpg)
Իրանական Press TV հեռուստաալիքը, վկայակոչելով լիբանանյան Asianews ինտերնետային պորտալը, հայտնում է, որ Թուրքիայի ու Ֆրանսիայի հատուկ ծառայությունները մահափորձ են պլանավորել Սիրիայի նախագահ Բաշար Ասադի ու արտգործնախարար Վալիդ Մուալեմի նկատմամբ:
Այս մասին նշված է թուրք-ֆրանսիական դավադրությունը բացահայտող վավերագրական ֆիլմում: Ֆիլմում առկա է այն անձանց խոստովանությունը, որոնք ներգրավված են եղել սիրիացի բարձրաստիճան չինովնիկներին սպանելու առաքելությունում:
Աղբյուրի համաձայն, ոչ վաղ անցյալում Սիրիայի անվտանգության ծառայությունը կանխել է երկրի նախագահ Բաշար Ասադի ու արտգործնախարար Վալիդ Մուալեմի նկատմամբ Թուրքիայի ու Ֆրանսիայի հատուկ ծառայությունների պատրաստած մահափորձը:
Աղբյուրը հավելել է, որ տվյալ գործողության հեղինակները նաև փորձել են Սիրիայի պետական հիմնարկներում հավաքագրել բարձրաստիճան չինովնիկներին: Ընդ որում, այդօրինակ փորձեր են ձեռնարկվել Մուալեմի գրասենյակում ու Դամասկոսում գտնվող նախագահական նստավայրում: Նշվում է, որ այդ գործողությունը համահունչ է ԱՄՆ-ի, Սաուդյան Արաբիայի ու Կատարի անվտանգության ծառայությունների գործունեությանը: