Ռուսաստանում գրանցվել է ավտոմեքենայի ամենաբարձր թռիչքը (տեսանյութ)
Ռուսական Rosbalt լրատվական գործակալության փոխանցմամբ՝ YouTube վիդեոհոսթինգում տեղադրվել է մի տեսանյութ, որն առնչվում է փետրվարի 27-ի առավոտյան Ռուսաստանի Վլադիմիր մարզի Ալեքսանդրով քաղաքում գրանցված ավտովթարին:
Տեսանյութում երևում է, թե ինչպես է Volkswagen Polo մակնիշի ավտոմեքենան մեծ արագությամբ փորձում թեքվել խաչմերուկում, սակայն բախվում է ճանապարհի եզրին գտնվող ձնակույտերին և դրանք օգտագործելով որպես ցատկահարթակ վեր թռչում մոտ 5 մետր, ինչից հետո վայրէջք է կատարում բնակելի տան բակում: Ավտոմեքենայի վարորդը հոսպիտալացվել է:
