«Չարի վերջը գալու է, քի՛չ չարություն արեք». Գ.Սահակյան
«Հասկանում եմ մեր գործընկերներին, բայց նախագահ ընտրվել է Սերժ Սարգսյանը: Ես գիտեմ մի բան. չարի վերջը գալու է, քի՛չ չարություն արեք»,- այսօր ԱԺ-ում հայտարարել է ՀՀԿ խմբակցության ղեկավար Գալուստ Սահակյանը՝ արձագանքելով «Ժառանգություն» խմբակցության ղեկավար Ռուբեն Հակոբյանին:
Վերջինս Րաֆֆի Հովհաննիսյանի նախընտրական շտաբի անունից շնորհավորել էր բոլորին փետրվարի 18-ին կայացած նախագահական ընտրությունների և Րաֆֆի Հովհաննիսյանի նախագահ ընտրվելու կապակցությամբ և հայտարարել. «Մենք Սահմանադրության շրջանակներում ամեն ինչ անելու ենք, որ ընտրված նախագահ Րաֆֆի Հովհաննիսյանը կարողանա ապահովել մեր պետության մեջ վերջապես ժողովրդի քվեով իշխանություն ձևավորելու ավանդույթը»:
