
Ադրբեջանը խստացրել է Կրոնական ազատության մասին օրենքը

«Ազատություն» ռադիոկայանի ադրբեջանական ծառայության փոխանցմամբ՝ Ադրբեջանի խորհրդարանն ընդունել է Կրոնի ազատության մասին օրենքում սահմանափակող ուղումներ կատարելու օրինագիծը: Այդ ուղղումները միտված են կրոնական ծայրահեղականության տարածման կանխմանը:
Ադրբեջանի խորհրդարանի նախագահ Օգտայ Ասադովը հայտարարել է, որ ընդունված ուղղումներն առնչվում են կրոնական գրականության, աուդիո և վիդեո ձայնագրությունների, ինչպես նաև համապատասխան ապրանքների ու առարկաների տարածման կարգավորմանը:
Ընդունված ուղղումների համաձայն՝ կրոնական բովանդակությամբ ողջ գրականնությունն ու ապրանքները պետք է ունենան Կրոնական կառույցների հետ աշխատանքային կոմիտեի վերահսկիչ դրոշմանիշեր: