ՃՈ նոր տեսախցիկներ Երևանում՝ փետրվարի 28-ից (հասցեներ)

Ճանապարհային ոստիկանությունը տեղեկացնում է, որ շարունակվում են Երևան քաղաքում երթևեկության նկատմամբ վերահսկողության և իրավախախտումների արձանագրման տեսախցիկների տեղադրման աշխատանքները:

Մասնավորապես, 2013 թ. փետրվարի 28-ից գործարկվելու են Երևան քաղաքում նոր տեղադրված երթևեկության նկատմամբ վերահսկողության և իրավախախտումների արձանագրման տեսախցիկները, որոնք տեղակայված են

Գայի պողոտա-Մոլդովական փողոց,

Պուշկինի փողոց-Նալբանդյան փողոց (Սախարովի հրապարակ),

 Էրեբունու փողոց-Ազատամարտիկների փողոց,

Վարդանանց փողոց-Ալեք Մանուկյան փողոց,

 Իսակովի պողոտա-Աթենքի փողոց,

Երվանդ Քոչարի փողոց-Խորենացու փողոց-Տիգրան Մեծի պողոտա («Տաշիր» առևտրի կենտրոնի դիմաց)

Հրաչյա Քոչարի փողոց-Բաղրամյան պողոտա-Կիևյան փողոց-Հակոբ Հակոբյան փողոց-Կասյան փողոց (Բարեկամության հրապարակ) խաչմերուկներում:

Ճանապարհային ոստիկանությունը հորդորում է վարորդներին պահպանել ճանապարհային երթևեկության կանոնները:

Ճանապարհային ոստիկանություն