Google-ը ներկայացրել է Chrome-ով գործող նոութբուքը
Google ընկերությունը ներկայացրել է Chrome դիտարկիչի (браузер) հիման վրա գործող Chrօmebook Pixel նոր նոութբուքը: Այն Google-ի առաջին նոութբուքն է, որը ստեղծվել է առանց խոշոր գործընկերների մասնակցության, ինչպես հայտնում է Вести-ին։
Ի տարբերություն նախորդ Chromebook-ների, որոնք ավելի էժան են, Chrօmebook Pixel-ը նախատեսված է ավելի ապահովված մարդկանց համար։
Նորույթի գլխավոր յուրահատկությունը սենսորային էկրանն է, որի պիքսելային խտությունը ժամանակակից նոութբուքերի համար ռեկորդային է՝ 239 պիքսել՝ 1 դյույմի համար։
Սարքի էկրանի անկյունագիծը 12.85 դյույմ է, խտությունը՝ 2560X1700 կետ: Սարքը հավաքվել է Թայվանում: Նույթի չափսերն են՝ 297.7X224.6 X 16.2մմ, այն կշռում է 1.52 կգ:
Chrօmebook Pixel-ի միջուկը բավական հզոր է՝ Intel Core i5 պրոցեսոր, 4 գիգաբայթ օպերատիվ հիշողություն: 32 կամ 64գբ ծավալով կոշտ սկավառակ: Նոր սարքավորումն ունի Wi-Fi, USB 2.0 երկու բնիկ, և այլն:
ԱՄՆ-ում և Մեծ Բրիտանիայում Chromebook Pixel արդեն հնարավոր է պատվիրել: Արժեքը կազմում է 1300-1450 դոլար՝ կոշտ սկավառակի հիշողության ծավալից կախված:
