ԱԱԾ-ն կհրապարակի՞ Հայրիկյանին կրակած անձի անունը
Ինչպես արդեն տեղեկացրել էինք, News.shanttv.com կայքը տեղեկություն էր հրապարակել, որ երեկ երեկոյան ձերբակալվել է ՀՀ նախագահի թեկնածու Պարույր Հայրիկյանին կրակած անձը: 168.am-ը փորձեց տեղեկատվությունը ճշտել ԱԱԾ մամուլի պատասխանատու Արծվին Բաղրամյանից: Վերջինս նշեց, որ դեռ ոչինչ չի կարող ասել:
«Օրվա ընթացքում պաշտոնական հաղորդագրություն կտարածվի»,- ասաց ԱԱԾ մամուլի պատասխանատուն:
Հիշեցնենք, որ հունվարի 31-ին կրակել էին ՀՀ նախագահի թեկնածու Պարույր Հայրիկյանի վրա. վերջինս տեղափոխվել էր «Սբ. Գրիգոր Լուսավորիչ» բժշկական կենտրոն:
