Նախկին աշխատակիցները դատի տվեցին ֆինանսների նախարարությանը
Ֆինանսների նախարարության իրավաբանական վարչության նախկին 3 դատական բաժնի պետեր Նելսոն Աբովյանը, Եղիշե Բազոյանը, Ռուզաննա Ազրոյանը, աշխատանքից ազատվելուց հետո, քաղաքացիական հայց են ներկայացրել ընդդեմ Ֆիննախի: Այս մասին գրում է Իրավաբան.net-ը։
Հիշեցնենք, որ ՀՀ ֆինանսների նախարարության իրավաբանական վարչության 3 բաժիների պետեր՝ Ռուզաննա Ազրոյանը, Եղիշե Բազոյանը և Նելսոն Աբովյանը նախորդ տարվա դեկտեմբերին ազատվել էին աշխատանքից և դիմում էին ներկայացրել նախարարին՝ նշելով, որ իրենց իրավունքները խախտվել են։
Մեր հրապարակումներից հետո ֆինանսների նախարարությունը հանդես եկավ պարզաբանմամբ՝ նշելով, որ ամեն ինչ կատարվել է օրենքի շրջանակներում, և խախտումներ չեն եղել։
