Զեմֆիրայի նոր ալբոմը՝ փետրվարի 15-ին
Afisha.ru կայքը գրում է, որ ռոք երգչուհի Զեմֆիրայի նոր՝ վեցերորդ ձայնասկավառակը գրեթե ամբողջությամբ պատրաստ է և վաճառքի կհանվի փետրվարի 15-ից`երգչուհու նոր համերգային շրջագայության մեկնարկի օրը:
Համերգը տեղի կունենա Տոմսկ քաղաքում, հենց այնտեղից էլ հնարավոր կլինի ձեռք բերել առաջին ձայնասկավառակները: Ալբոմի վերնագիրը և երգերի քանակը դեռ հայտնի չեն:
Նշված շրջագայությանը պատրաստվելիս Զեմֆիրան իր խմբի հետ մի քանի օր է անցկացրել Բեռլինի «Black Box Music» ստուդիայում: Համերգային ծրագրի ընթացքում լավ ձայն ու լույս ապահովելու համար Զեմֆիրան հրավիրել է գերմանացի մասնագետների:
