Փրկարարները անօգնական վիճակում հայտնաբերել են 67-ամյա տղամարդուն՝ գլխի վնասվածքով
Հունվարի 30-ին, ժամը 21.21-ին ահազանգ է ստացվել, որ Երևանի Շերամի փողոցի թիվ 61 շենքի 4-րդ բնակարանի բնակիչը չի արձագանքում դռան և հեռախոսի զանգերին. անհրաժեշտ է օգնություն: Այս մասին տեղեկացնում է ԱԻ նախարարությունը։ Դեպքի վայր է մեկնել փրկարարական ուժերի վարչության հատուկ փրկարար ջոկատի հերթապահ խումբը: Փրկարարները հյուրասենյակի հատակին անօգնական վիճակում հայտնաբերել են 1946 թ. ծնված Զոհրապ Մարդոյանին՝ գլխի հատվածում վնասվածքով, ում «1-03» ծառայության աշխատակիցները տեղում ցուցաբերել են բուժօգնություն:
