Հերթը հասավ Գորիսին
Կառավարության վաղվա նիստում կքննարկվի «Գորիս քաղաքում զբոսաշրջության զարգացման ծրագիրը» հաստատելու մասին որոշումը։
Ըստ պաշտոնական տեղեկանքի՝ Գորիս քաղաքը հանդիսանալով միջազգային տարանցիկ ճանապարհների ակտիվ կենտրոն` Հայաստանի, Լեռնային Ղարաբաղի և հարևան Իրանի համար, իր յուրօրինակ աշխարհագրական դիրքով, բնական հանգստի գոտիներով, պատմամշակութային և ազգագրական առանձնահատկություններով ու ավանդույթներով և ենթակառուցվածքներով, լավագույն հնարավորություններն ունի զբոսաշրջային կենտրոն դառնալու և Հայաստանի զբոսաշրջային արդյունաբերության մեջ իր ուրույն տեղն ու դերն ունենալու:
Նշվում է նաև, որ Գորիսն իր աշխարհագրական դիրքով ունի առանձնահատուկ բնություն, ինչը նպաստավոր պայմաններ կարող է ստեղծել առողջարանային, էկոլոգիական և արկածային զբոսաշրջության զարգացման համար:
Ծրագրով՝ այստեղ զբոսաշրջության զարգացման համար պետք է լուծվեն հետևյալ խնդիրները.
– նոր մրցունակ զբոսաշրջային արդյունքների ձևավորում,
– յուրօրինակ զբոսաշրջային հանգրվանների, ազգային ավադույթների, սովորույթների վերածնունդ և զարգացում,
– Գորիս քաղաքում և հարակից համայքներում զբոսաշրջության զարգացում,
ենթակառուցվածքների բարելավում և զարգացում,
– մարդկային ռեսուրսների զարգացում:
