Խորհրդանշական բացիկներ պաշտոնյաներին՝ զոհված զինծառայողների անունից (տեսանյութ)
«Բանակն իրականում» քաղաքացիական նախաձեռնությունը բանակի օրվա կապակցությամբ մոտ 270 խորհրդանշական բացիկներ է ուղարկել ՀՀ պաշտոնյաներին, այդ թվում՝ նախագահին, վարչապետին, պաշտպանության նախարարին, բոլոր նախարարներին և պատգամավորներին, բանակի բարձրաստիճան զինվորականներին, կաթողիկոսին, դատավորներին, ՄԻՊ-ին, մարզպետերին, դատախազներին և այլն:
Բացիկները խորհրդանշական կերպով ուղարկվել են վերջին տարիներում Հայկական բանակում զոհված մոտ 2000 զինծառայողների անունից:
Բանակի բարձրագույն հրամանատարական կազմին և մի շարք այլ պաշտոնյաների ուղղված նամակները ստորագրված են 2012 թ. հունվարի 27-ին զոհված զինծառայող Փայլակ Շահնազարյանի անունից:
«Բանակն իրականում» քաղաքացիական նախաձեռնություն
