Ոստիկանությունը ձերբակալել է գողական «սխոդկայի» 23 մասնակիցների
Ռուսաստանի իրավապահները ընդհատել են Ռուսաստանի և Բելառուսի քրեական հեղինակությունների հավաքը, որը տեղի էր ունենում Մոսվայի արվարձաններից մեկում։ Ինչպես հաղորդում է РИА Новости-ն, ձերբակալվել է 23 մարդ։
Օպերատիվ տվյալներով, հանդիպման մասնակիցները պետք է քննարկեին Բելառուսից ժամանած 3 հեղինակությունների «թագադրման» հարցը։ Բացի այդ, նախատեսվում էր քննարկել Դեդ Հասանի սպանությունից հետո հետագա գործողությունները և համակարգել Տարիել Օնիանիի վերահսկողության տակ գտնվող հանցավոր խմբավորումների աշխատանքը։
Հանդիպումը քողարկված էր որպես գողական աշխարհի ամենատարեց «գեներալներից» մեկի ծննդյան տարեդարձի արարողություն։ Այն տեղի էր ունենում Նիկոլինա Գորա քաղաքի «Семейный элит-клуб» ռեստորանում։
