Վիկտորիա Ազարենկան երկրորդ տարին անընդմեջ հաղթում է Ավստրալիայի բաց առաջնությունը
Ավստրալիայի բաց առաջնությունում ավարտվեց կանանց մրցաշարը։ Եզրափակիչում Մելբուրնի «Ռոդ Լեյվր» կորտում հավաքված հանդիսատեսն ականատեսը եղավ վերջին տարիների ամենահետաքրքիր եզրափակիչներից մեկին։ Որոշիչ խաղում աշխարհի թիվ մեկ ռակետ Վիկտորիա Ազարենկան երեք սեթում հաղթեց այս առաջնությունում ամենահետաքրքիր խաղը ցուցադրող չինուհի Նա Լիին։ Բելառուս թենիսիստուհին հաղթել է 4։6, 6։4, 6։3 հաշվով։ Խաղը տևեց 2 ժամ 40 րոպե։
Բավական է ասել, որ երեք սեթերի ընթացքում Նա Լին ու Վիկտորիա Ազարենկան 15 անգամ հաղթել են մրցակցի մատուցման ժամանակ՝ բրեյք կատարելով։ Խաղը մի քանի անգամ ընդհանտվել է նա Լիին բժշկական օգնություն ցուցաբերելու համար, ինչպես նաև Ավստրալիայի օրվա կապակցությամբ կազմակերպված շքեղ հրավառության պատճառով։
Հիշեցնենք, որ մինչև եզրափակիչ հասնելը Նա Լին հաղթել էր աշխարհի երկրորդ և չորրորդ ռակետներ Մարիա Շարապովային և Ագնեշկա Ռադվանսկային։
Մարզական լրահոսն ապահովում է SportArmenia.com-ը
