«Մարդն այնքան է տարվել սեփական PR-ով, որ ամբողջությամբ կորցրել է իրականության զգացումը». Արմեն Աշոտյանը՝ Րաֆֆի Հովհաննիսյանի մասին
ՀՀ կրթության և գիտության նախարար Արմեն Աշոտյանն անդրադարձել է նախագահի թեկնածու Րաֆֆի Հովհաննիսյանի հայտարարությանը։ Հիշեցնենք, որ Ր. Հովհաննիսյանը Արմեն Աշոտյանին մեղադրել էր ստախոսության մեջ և գործող նախագահ, նախագահի թեկնածու Սերժ Սարգսյանից պահանջել է «կարգի հրավիրել իր ենթականերին»։
«Ծանոթացա Րաֆֆիի այսօրվա ասուլիսի նյութերին:
Զարմանալի է:
Մարդն այնքան է տարվել սեփական PR-ով, որ ամբողջությամբ կորցրել է իրականության զգացումը:
Դա բավական չէ, դեռ իրեն էլ վեր է դասում Հայաստանի օրենքներից:
Ուստի, Րաֆֆիի գնահատականները իմ բարոյականության մասին, ստի մեջ մեղադրանքները և հրաժարականիս պահանջը թողնում եմ անպատասխան:
Հավելեմ, որ Րաֆֆին ոչ միայն կոպտորեն խախտել է օրենքը, այլև բավարար խիզախություն չունի այդ արձանագրված փաստը ընդունելու համար:
Իսկ այս բանավեճին «թամաշա» անողները, հուսամ համոզվեցին, որ Րաֆֆին «իշխանական» թեկնածու չէ»,- գրել է նախարարը:
