Աշխատավարձն աճել է ավելի արագ, քան գները
Միջին ամսական անվանական աշխատավարձը նախորդ տարվա ընթացքում աճել է 5.1%-ով, մինչդեռ սպառողական ապրանքների գներն աճել են 2.6%-ով։ Այս մասին նշված է Ազգային վիճակագրական ծառայության կողմից այսօր հրապարակված զեկույցում, որն ամփոփում է 2012 թվականի հունվար-դեկտեմբերի նախնական մակրոտնտեսական ցուցանիշները։
Զեկույցի համաձայն, միջին ամսական անվանական աշխատավարձը նախորդ տարվա արդյունքներով կազմել է 121 374 դրամ։ Ընդ որում, պետական հիմնարկներում այն կազմել է 97 385 դրամ, իսկ մասնավոր հիմնարկներում՝ 149 079 դրամ։
Փաստորեն, պաշտոնական վիճակագրության համաձայն, կյանքը Հայաստանում ավելի մատչելի է դարձել։
