Մեղրի քաղաքի զորամասի դիմաց վրաերթի է ենթարկվել 2-ամյա աղջնակը
Հունվարի 23-ին, վրաերթ է տեղի ունեցել Սյունիքի մարզում: Ժամը 13:00-ի սահմաններում Մեղրի քաղաքի բնակիչ, 54-ամյա Համբարձում Բաղդասարյանը վարելով ՎԱԶ 2107 մակնիշի 33 ՏV 746 համարանիշի ավտոմեքենան, Մեղրի քաղաքի Սահմանապահ զորքերի զորամասի մուտքի դիմաց վրաերթի է ենթարկել 2-ամյա Ալինա Գոդենչուկին: Այս մասին հաղորդում է shamshyan.com կայքը:
Ինչպես հայտնում է ֆոտոլրագրող Գագիկ Շամշյանը, վրաերթի ենթարկվածը տեղափոխվել է Մեղրիի Տարածքային բժշկական կենտրոն: Փաստի առթիվ Ոստիկանության քննչական գլխավոր վարչության Սյունիքի մարզի քննչական բաժնի Մեղրիի քննչական բաժանմունքում նյութեր են նախապատրաստվում:
