Երևանի ո՞ր վարչական շրջաններում են ավելի բարձր վարձատրում
Ազգային վիճակագրական ծառայության տվյալներով, Երևանում միջին ամսական անվանական աշխատավարձը նախորդ տարվա վերջին կազմել է շուրջ 132 հազար դրամ։ Ամենից բարձր վարձատրվում են Կենտրոն վարչական շրջանի աշխատակիցները։
Այսպես, Երևանում աշխատանքի վարձատրությանը վերաբերող ամենաթարմ զեկույցում ներկայացված են 2012թ. հոկտեմբեր ամսվա տվյալները։ Ըստ դրանց, Կենտրոն վարչական շրջանում միջին ամսական անվանական աշխատավարձը կազմում է 155 890 դրամ։
Երկրորդ տեղում Քանաքեռ-Զեյթունն է՝ 145 285 դրամ։
Լավագույն եռյակը եզրափակում է Արաբկիրը, որտեղ միջին ամսական անվանական աշխատավարձը 128 083 դրամ է։
Ամենից քիչ, ըստ պաշտոնական վիճակագրության, վարձատրվում են Ավան և Նուբարաշեն վարչական շրջանների աշխատակիցները (համապատասխանաբար, 85 999 և 81 627 դրամ)։
