«Բաց նամակ»-անոնիմկայի գործով բացահայտվում են նոր, հետաքրքիր և անսպասելի մանրամասներ. Աշոտյան
ՀՀ կրթության և գիտության նախարար Արմեն Աշոտյանը ֆեյսբուքի իր էջում անդրադարձել է մամուլում հրապարակված բաց նամակին, որը պատմում է Ավանում գործող «Մխիթարյան» կրթահամալիրում տիրող իրավիճակի մասին։
«Երեկ երեկոյան համացանցում հայտնվել է «բաց նամակ»՝ կապված Ավանում գործող «Մխիթարյան» կրթահամալիրում իբր տիրող իրավիճակի հետ: Թեպետ նամակն անստորագիր է և անանուն, ՀՀ ԿԳՆ-ն այսօր իր լիազորությունների շրջանակում իրականացնում է անոնիմկայում բերված տեղեկատվության իսկության ուսումնասիրություն, որի արդյունքների մասին երեկոյան կտեղեկացնեմ»,- մոտ մեկ ժամ առաջ գրառել է Արմեն Աշոտյանը:
Առաջին գրառումից կես ժամ անց նախարարը նաև երկրորդ գրառումն է կատարել՝ նշելով, որ «Բաց նամակ»-անոնիմկայի գործով բացահայտվում են նոր, հետաքրքիր և անսպասելի մանրամասներ։
