Սերժ Սարգսյանն էլ պետք է մտահոգվի
ՀՅԴ խմբակցության ղեկավար Արմեն Ռուստամյանի կարծիքով, այս ընտրությունները հասարակությանը մտորելու առիթ պետք է տան, թե ինչպես ստացվեց, որ կարևոր քաղաքական ուժերը որոշեցին չմասնակցել:
«Սա առիթ է նաև բոլորիս համար մտածելու՝ ինչպես անենք, որ այս ճգնաժամից դուրս գանք: Ընդդիմության մեղավորությունը միշտ մեկն է, որ չի կարողանում համախմբվել: Սա մենք դժբախտաբար հերթական անգամ չկարողացանք անել»,- ասաց Արմեն Ռուստամյանը:
Նրա կարծիքով, այս խնդրով առաջին հերթին պետք է մտահոգվի Սերժ Սարգսյանը: Ըստ Արմեն Ռուստամյանի, նախագահը պետք է մտածի, վերլուծություններ անի, եզրակացությունների հանգի և հրապարակ գա այնպիսի ծրագրերով, որը կբավարարի հասարակությանը:
