Գիտնականները խորհուրդ են տալիս հակաբիոտիկներ չօգտագործել
Թոքերի վարակի հետևանքնով առաջացած հազը հակաբիոտիկները չեն բուժում: Ըստ BBC-ի՝ նման համոզմունք են հայտնել բրիտանացի գիտնականները: Նրանք պնդում են, որ հակաբիոտիկ ընդունած մարդկանց առողջական վիճակի ծանրությունը ոչնչով չի տարբերվել այն հիվանդների վիճակից, ովքեր պլացեբո են ընդունել:
Հետազոտության հեղինակներից մեկը նշել է, որ հակաբիոտիկները նման դեպքերում չեն օգնում, ընդհակառակը՝ դրանք կարող են վնասել առողջությանը:
«Հակաբիոտիկների շատ օգտագործումը կարող է բակտերիաների կայունության պատճառ դառնալ, ինչպես նաև՝ կողմնակի ազդեցություններ ունենալ՝ դիարեա, ցան, փսխում: Մեր հետազոտությունները ցույց են տվել, որ հակաբիոտիների չօգտագործման դեպքում մարդիկ ժամանակի ընթացքում սկսում են իրենց ավելի լավ զգալ, իսկ վարակներն էլ իրենք իրենց անցնում են»,- նշել է հետազոտության հեղինակը:
Նա խորհուրդ է տվել չօգտագործել հակաբիոտիկներ, քանի որ նրանք օրգանիզմի մյուս օրգանների վրա շատ ավելի վատ ազդեցություն են գործում, քան հազի դեմ մյուս դեղամիջոցները:
