Մհեր Սեդրակյանի նկատմամբ իրավական պատասխանատվություն կիրառելու ձևեր չկան. Հրայր Թովմասյան
ՀՀ Ազգային ժողովի ՀՀԿ խմբակցության պատգամավոր Մհեր Սեդրակյանի նկատմամբ իրավական պատասխանատվություն կիրառելու ձևեր չկան: Այս մասին ՀՀ կառավարության նիստից հետո լրագրողների հետ զրույցում նշել է Արդարադատության նախարար Հրայր Թովմասյանը:
«Նման երևույթները ցանկալի չեն: Փառք Աստծո, լրագրողների նկատմամբ բռնության դեպքերը մեզ մոտ էականորեն կրճատվել են, և ամեն ինչ պետք է անել, որ դրանք զրոյացվեն»,- ասել է նա:
Հիշեցնենք, որ երեկ Ազգային Ժողովում պատգամավոր Մհեր Սեդրակյանը սպառնացել է «Ա1+»-ի լրագրող Մհեր Արշակյանին՝ ասելով. «Դավա՜յ, դավա՜յ, յալլա՜, կտամ ծնոտդ կպոկեմ»:
