Սերժ Սարգսյանի նախընտրական հոլովակը նկարահանվում է «ՏԷՑ-ի կռուգո՞ւմ». մամուլ

«2013 թվականին գործող նախագահ, ՀՀԿ թեկնածու Սերժ Սարգսյանի` 2008 թվականի «Աոաջ Հայաս­տան» կարգախոսին կփոխարինի «Դեպի ապահով Հայաստան…» կարգախոսը: Ենթադրաբար, այս տարվա «Հավատանք, որ փոխենք» կարգախոսով անցած խորհրդարանական ընտրությու­նից հետո փոփոխությունները անգամ ՀՀԿ-ի համար ապահովություն չեն ապահովել: Հավա­տացի՞նք, թե՞ չէ, փոխվեցի՞նք, թե չէ, ՀՀԿ-ն հիմա էլ որոշել է անապահով Հայաստանից մեզ տեղափոխել ապահով Հայաս­տան»,- գրում է «Առավոտ» օրաթերթը և շարունակում.

«Չի բացառվում, որ ՀՀԿ-ն խորհրդանիշների լայն տեսակա­նի ունենա, ավանդական’ կար­գախոսի մակագրությամբ վզնոց­ներին ավելանան նաև արհես­տական տերևները` կանաչի տարբեր երանգներով: Փուչիկներ էլ են լինելու, բայց փուչիկների գործն այս անգամ Կարեն Ավագյանին չի վստահվելու: Երգը, որը կհնչի Սերժ Սարգսյանի հոլովա­կում, կկատարեն Հայաստանի հին ու նոր աստղերը’ Սիհրան Ծաոուկյանը, Լիլիթ Հովհաննիս­յանը, Նունե Եսայանը, Ռազմիկ Ամյանը, Հայկոն: Հոլովակում կհնչի նաև ՀՀԿ-ական պատգա­մավոր Շուշան Պետրոսյանի ձայնը: Երգում այսպիսի բառեր էլ կան` «Յուրաքանչյուր հայ թող նախ մտածի, թե ինքն ի՞նչ է արել Հայաստանի համար»:

«Աոավոտի» ունեցած տեղեկու­թյուններով` հոլովակը նկարա­հանվում է «ՏԷՑ-ի կոուգում», ականատեսների վկայությամբ` շքեղ բեմի վրա, իսկ «ՏԷՑ-ի կոուգը», մեղմ ասած, բարի համբավ չի վայելում ու դրական էմոցիա­ներ չի արթնացնում: Հոլովակի մասսայական տեսարաններում անվճար նկարահանվելու դառը ճակատագիրը բաժին է հասել բուհերի ուսանողներին: Նախորդ օրը` դասերից հետո, ուսխորհուրդների գլխավորությամբ, ու­սանողներին տարել են նկարա­հանումների: Նրանց, սակայն, չի ասվել, թե ո՞ւր և ի՞նչ նպատակով են տանում:

Ասել են, թե պետք է մի ու­սանողական միջոցառման մասնակցեն, որը հազիվ մեկ ժամ կտևի: Երեխա­ներին ավտոբուսներով տեղափոխել են նկարա­հանման հրապարակ ու մինչև ուշ երեկո պահել այնտեղ: Ըմբոստացողնե­րին և նկարահանումներից փախչել ցանկացողներին սպաոնացել են «հիշել» ստուգարքների և քննու­թյունների ժամանակ:

Երեխաներից ոմանք մեզ հետ զրույցում պատմեցին նաև, որ նկարահանման հրապարակի մոտակայ­քում մի խումբ երիտա­սարդներ են եղել, ովքեր բղավել են «Բարգավաճ Հայաստան»: Տեղի անվ­տանգության աշխատա­կիցները նրանց շատ արագ «լիկվիդացրել են», քանի որ ՀՀԿ-ական և ԲՀԿ-ական երիտասարդ­ների միջև կարծես արդեն ծեծկռտուք է հասունացել:

Ուսա­նողները մեզ հետ զրույցում պատմեցին նաև, որ ուսխորհուրդների միջոցով բուհերի ղե­կավարներն իրենց «առաջարկ» են արել` եթե ցանկանում են ընդգրկվել «Հայաստան» համա­հայկական հիմնադրամի այն ծրագրերում, որոնք հնարավորու­թյուններ կընձեռեն թեթևացնել ուսման վարձի մի մասը, ապա պետք է անդամագրվեն ՀՀԿ-ին:

Նկատենք, որ հիմնադրամը նման թիրախային ծրագրեր ունի` զոհված ազատամարտիկների, ծնողազուրկ և սոցիալապես անապահով ընտանիքների ուսա­նողների համար:

Երեկ «Առավոտը» այս ամենի վերաբերյալ մեկնաբանություններ խնդրեց ՀՀԿ փոխնախագահ Գա­լուստ Սահակյանից:

– ՀՀԿ-ն արդեն սկսե՞լ է նա­խընտրական քարոզարշավը:

-Իհարկե, նախապատ­րաստվում ենք: Դուք վերահսկելի քարոզարշավի մասին եք խոսում: Իհար­կե, արդեն որոշակի ծրագրավորումներ ունենք:

-Իսկ որքա՞ն գումար է ՀՀԿ-ն նախատեսել ծախ­սել քարոզարշավային ատրիբուտների վրա:

-Դա չեմ կարող ասել, որովհետև մինչև ծրագ­րերը չլինեն` ֆոնդային գումարի բաշխում չի կա­րող կատարվել:

-Պարոն Սահակյան, տեղեկություններ կան, որ Սերժ Սարգսյանի նա­խընտրական հոլովակի նկարահանումներին ու­սանողներին էլ են ստի­պողաբար տանում, բնա­կանաբար` չեն վճարում, ու երեխաներն էլ շատ դժգոհ են:

-Ես նման տեղեկու­թյուններ չունեմ:

-Դա էլ նոր բա՞յլ է:

-Ես, իհարկե, գի­տակցում եմ, որ մեր յուրաբանչյուր գործողությանը պետք է հա­կակշիռներ ձևավորվեն: Բայց, այնուհանդերձ, մենք օրենքի շր­ջանակներում նախապատրաստություններ ենք տեսնում և ամ­բողջությամբ գործելու ենբ օրեն­քի շրջանակներում:

-Օրինակ` խորհրղարանական ընտրությունների ժամանակ էլ ու­սանողներին ինչ-որ պատրվա­կով կանչում էին բուհեր ու ստի­պողաբար նրանց ավտոբուսնե­րով տեղափոխում ՀՀԿ-ի քարո­զարշավներին:

-Գիտեք, կատարելագործված, ամեն մեկն իր տեսակետն է ասում: Մենք էդպիսի խնդիր չունենք, որովհետև մեր երիտա­սարդական կազմակերպությունը 35 հազարից ավելի է: էնպես որ` եթե նման խնդիրներ ունենանք, մենք կկարողանանք իրականաց­նել: Նրանցից մի մասն ուսանող կլինի, մի մասը տեխնիկումներում սովորող կլինի` տարբեր տեղեր, երիտասարդներ են: Բայց վե­րագրել, որ բուհի մարդկանց են տանում` արդեն պրովոկացիա է:

-Ի դեպ, ասում են, որ ուսա­նողներին աոաջարկում են ՀՀԿ-ին անդամագրվել` փոխարենը խոստանալով «Հայաստան» հա­մահայկական հիմնադրամի ծրագրերով նրանց ուսման վարձը փոքր-ինչ թեթևացնել:

-Բնականաբար, պիտի տար­բեր տիպի հայտնի և ոչ հայտ­նի բողոքավորներ լինեն: Ի դեպ, ասեմ, ընտրություններին մենք չենք ակնկալում, և դա պետու­թյան համար էլ է վտանգավոր, որ մենք 100 տոկոսանոց պիտի ընտրվենք: Մեր գործողություննե­րը տարբեր առիթներով, բնակա­նաբար, նաև կքննադատվեն: Բայց բերել, թե մենք ուսման վարձեր ենք տալիս… այսինքն` ամեն ուսանողին մեկ միլիոն, հինգ հարյուր, երկու հարյուր հա­զար ուսման վարձ ենք տալիս, որ ընտրե՞ն, էդպիսի աբսուրդ կլինի՞:

-Խոսքը «Հայաստան» համա­հայկական հիմնադրամի ծրագ­րերի մասին է:

-Հիմնադրամը այս տարի էլ է արել, նախորդ տարի էլ, դրա նախորդն էլ… դրանք հատուկ նորմատիվներ են, էդպես չի, որ բերեն մարդուն ասեն` քո ուսման վարձը տալիս ենք, մեզ պիտի ընտրես: Դա չափորոշիչներ ու­նի, և այդտեղ ընդգրկվում են տարբեր հակումներ ունեցող ու­սանողներ»: