Գվարդիոլան կարող է գլխավորել Բրազիլիայի ընտրանին
«Բարսելոնայի» նախկին գլխավոր մարզիչ Խոսեպ Գվարդիոլան կարող է գլխավորել Բրազիլիայի ազգային հավաքականը:
Բրազիլիայի ֆուտբոլի ֆեդերացիան նախօրեին աշխատանքից հեռացրել էր հավաքականի գլխավոր մարզիչ Մանու Մենեզեսին, և ներկայում այդ պաշտոնը թափուր է:
Բրազիլական Lance!-ը պնդում է, որ հավաքականի գլխավոր մարզիչների թվում է նաև Գվարդիոլան, ով ներկայում թիմ չունի և արձակուրդներն է վայելում Միացյալ Նահանգներում:
Աղբյուրը նաև հավելում է, որ Գվարդիոլան հետաքրքրված է այս առաջարկով և պատրաստվում է առաջիկա օրերին բանակցություններ վարել բրազիլական կողմի հետ:
Մարզական լրահոսն ապահովում է SportArmenia.com-ը
