Սահակաշվիլին խոստացել է չփախչել Վրաստանից
Վրաստանի նախագահ Միխայիլ Սահակաշվիլին հայտարարել է, որ մտադիր չէ հեռանալ երկրից։ Նման հայտարարություն նա արել է նոյեմբերի 23-ին՝ Բագրատի վանքում, որտեղ Սուրբ Գեորգիի օրվան նվիրված արարողությունն էր ընթանում։
Նշելով, որ Վրաստանն այսօր «փորձությունների» ժամանակաշրջան է ապրում, Սահակաշվիլին ասել է, որ պատրաստ է այդ դժվարությունները կիսել իր ժողովրդի հետ։ «Ես իմ ժողովրդին, իհարկե, չեմ լքի։ Մենք կհաղթահարենք խնդիրները և դուրս կբերենք մեր երկիրը փորձություններից»,- ասել է Վրաստանի նախագահը։
