Կարլես Պույոլ. Շատ ցավալի էր
«Բարսելոնայի» 34-ամյա պաշտպան Կարլես Պույոլը պատմել է ապաքինման գործընթացի մասին։ Հիշեցնենք, որ ֆուտբոլիստը վնասվածք էր ստացել հոկտեմբերին Չեմպիոնների լիգայում «Բենֆիկայի» հետ հանդիպման ժամանակ։
«Այս վնասվածքը վատագույնն էր կարիերայիս ընթացքում։ Շատ ցավալի էր։ Չէի պատկերացնում, որ ամեն ինչ այսպես կլինի։ Սակայն ապաքինման գործընթացը նախատեսվածից ավելի արագ է անցնում։ Աշխատում եմ կանխատեսումներ քիչ լսել և ամեն ինչ անել, որպեսզի հնարավորինս շուտ շարք վերադառնամ»,- Պույոլի խոսքերն է մեջբերում ակումբի պաշտոնական կայքը։
Մարզական լրահոսն ապահովում է SportArmenia.com-ը
