Էսյենը հրաժարվել է մասնակցել 2013 թ. Աֆրիկայի գավաթի խաղարկությանը
Մադրիդի «Ռեալի» կիսապաշտպան Մայքլ Էսյենը չի մասնակցի 2013 թ. Աֆրիկայի գավաթի խաղարկությանը: Այս մասին հաղորդում է Ghanaweb-ը:
Էսյանն արդեն տեղեկացրել է Գանայի ընտրանու գլխավոր մարզիչ Քվեսի Ապիային, որ չի կարողանալու միանալ հավաքականին, քանի որ շարունակում է վերականգնել մարզավիճակը, որը կորցրել էր ծանր վնասվածքից հետո:
Միևնույն ժամանակ, Էսյենը 2014 թվականի Աշխարհի առաջնության ընտրական փուլի հանդիպումներին մասնակցելու պատրաստակամություն է հայտնել:
Հիշեցնենք, որ Աֆրիկայի գավաթի խաղարկությունը կկայանա Հարավային Աֆրիկայում հունվարի 19-ից փետրվարի 10-ը:
Մարզական լրահոսն ապահովում է SportArmenia.com-ը
