ՀՀ պաշտպանության նախարարության թիմը նվաճեց Վարչապետի գավաթը
«ՀՀ վարչապետի գավաթ-2012» ֆուտբոլային մրցաշարի հաղթողը ՀՀ պաշտպանության նախարարության թիմն է: Մրցաշարի եզրափակիչ խաղը տեղի է ունեցել նոյեմբերի 2-ին, Վազգեն Սարգսյանի անվան «Հանրապետական» մարզադաշտում:
Եզրափակչում իրար հետ մրցել են ՀՀ պաշտպանության ու ՀՀ կրթության և գիտության նախարարությունների թիմերը: Համոզիչ հաղթանակ են տարել են Պաշտպանության նախարարության ներկայացուցիչները:
Հիշեցնենք, որ մրցաշարը մեկնարկել է սեպտեմբերի 25-ին՝ պետական կառավարման 14 գերատեսչությունների ֆուտբոլային թիմերի մասնակցությամբ և իրականացվել Հայաստանի ֆուտբոլի ֆեդերացիայի աջակցությամբ:
«ՀՀ վարչապետի գավաթ-2012» մրցաշարի 1-ին, 2-րդ, 3-րդ տեղերը գրաված թիմերը պարգևատրվել են համապատասխանաբար՝ 600.000, 400.000 և 200.000 դրամ պարգևավճարներով, գավաթներով և մարզահագուստներով:
Այս մասին հաղորդում է Սպորտի և երիտասարդության նախարարության պաշտոնական կայքը։
Մարզական լրահոսն ապահովում է SportArmenia.com-ը
