Արոնյան, Հակոբյան, Մովսիսյան, Սարգսյան… Հայ շախմատիստները՝ ՖԻԴԵ-ի վարկանիշային աղյուսակում
ՖԻԴԵ-ն այսօր հրապարակել է պրոֆեսիոնալ շախմատիստների թարմացված վարկանիշային աղյուսակը: Հայաստանի ուժեղագույն գրոսմայստեր Լևոն Արոնյանը վարկանիշային միավորներ է կորցրել, սակայն շարունակում է վստահորեն զբաղեցնել 2-րդ տեղը՝ իրենից առաջ թողնելով միայն նորվեգացի Մագնուս Կարլսենին:
Հայ գրոսմայստերներից երկրորդ ցուցանիշն ունի Վլադիմիր Հակոբյանը, ով մի քանի հրաշալի մրցաշար անցկացրեց: Սերգեյ Մովսեսյանը, Հայաստանի հավաքականին անդամագրվելուց ի վեր, առաջին անգամ, ոչ թե 2-րդն է հայ գրոսմայստերների թվում, այլ՝ 3-րդը: 4-րդը Գաբրիել Սարգսյանն է, իսկ հայ շախմատիստներ լավագույն 5-յակը եզրափակում է Տիգրան Պետրոսյանը:
ՖԻԴԵ-ի վարկանիշային աղյուսակի լավագույն 10-յակը և 100-յակում տեղ գտած հայ շախմատիստները
| Տեղ | Անուն | Երկիր | Վարկանիշ | Ծննդ. տարեթիվ |
| 1 | Մագնուս Կարլսեն | Նորվեգիա | 2848 | 1990 |
| 2 | Լևոն Արոնյան | Հայաստան | 2815 | 1982 |
| 3 | Վլադիմիր Կրամնիկ | Ռուսաստան | 2795 | 1975 |
| 4 | Թեյմուր Ռաջապով | Ադրբեջան | 2793 | 1987 |
| 5 | Ֆաբիանո Կարուան | Իտալիա | 2786 | 1992 |
| 6 | Վիշվանաթհան Անանդ | Հնդկաստան | 2775 | 1969 |
| 7 | Սերգեյ Կարյակին | Ռուսաստան | 2775 | 1990 |
| 8 | Վեսելին Տոպալով | Բուլղարիա | 2769 | 1975 |
| 9 | Ալեքսանդր Գրիշչուկ | Ռուսաստան | 2764 | 1983 |
| 10 | Շահրիյար Մամեդյարով | Ադրբեջան | 2764 | 1985 |
| 45 | Վլադիմիր Հակոբյան | Հայաստան | 2703 | 1971 |
| 62 | Սերգեյ Մովսեսյան | Հայաստան | 2688 | 1978 |
| 74 | Գաբրիել Սարգսյան | Հայաստան | 2679 | 1983 |
| 92 | Տիգրան Պետրոսյան | Հայաստան | 2659 | 1984 |
Հայաստանի բոլոր շախմատիստների վարկանիշներին կարող եք ծանոթանալ Հայաստանի շախմատի ֆեդերացիայի պաշտոնական կայքում:
Մարզական լրահոսն ապահովում է SportArmenia.com-ը
