«Ժառանգությունը» պատրաստ է քննարկել միասնական այլ թեկնածուների անուններ
«Ժառանգություն» կուսակցությունը սպասվող նախագահական ընտրություններին ընդդիմության միասնական թեկնածուի դերում տեսնում է Րաֆֆի Հովհաննիսյանին: Այս մասին այսօր նորից հայտարարեց Զարուհի Փոստանջյանը:
Միաժամանակ նա հայտարարեց, թե իրենց կուսակցությունը պատրաստ է քննարկել այլ կուսակցությունների թեկնածուների անունները. «Դրանից հետո արդեն կարող ենք քննարկել, թե որ թեկնածուն է առավել մրցունակ»:
Զարուհի Փոստանջյանի փոխանցմամբ` նախագահական ընտրություններին «Ժառանգությունն» այլ կուսակցությունների հետ միասնական թեկնածուով հանդես կգա այն դեպում, եթե լինի միասնական գործողությունների ծրագիր՝ միտված համակարգային փոփոխություններին:
