ՀԱՊԿ հետաձգված զորավարժություններում կմշակվի համագործակցությունը կովկասյան տարածաշրջանում
ՀԱՊԿ կառույցի հայաստանյան ներկայացուցչությունը տեղեկացնում է, որ այս տարվա սեպտեմբերի 3-8-ը նախատեսված ՀԱՊԿ հավաքական զինված ուժերի զորավարժությունները հայկական կողմի խնդրանքով՝ տեխնիկական պատճառներով հետաձգվել են և կկայանան սեպտեմբերի 15-19-ը: «Փոխգործակցություն-2012» անվանումով այդ զորավարժություններին կմասնակցեն Հայաստանի, Բելառուսի, Ղազախստանի, Ղրղըզստանի, Ռուսաստանի և Տաջիկստանի բանակային միավորումներ և հատուկ նշանակության զորքեր (ընդհանուր թվով 2000 զինվորական): Վարժանքներին ներկա կլինեն Միջազգային Կարմիր խաչի ներկայացուցիչներ, ՄԱԿ-ի, ԵԱՀԿ և ԱՊՀ դիտորդներ: Զորավարժությունների ընթացքում կմշակվի զինված ուժերի և զինտեխնիկայի միջև համագործակցությունը կովկասյան տարածաշրջանում:
