Զոնդյան ծովածոցում խորտակված նավի 150 ուղևորներից կենդանի են մնացել 16-ը
Օգոստոսի 29-ին լրատվամիջոցները հայտնել էին, որ խորտակվող նավը, որի վրա գտնվել են 150 մարդ, վթարի ազդանշան է տվել Զոնդյան ծովածոցից, որը բաժանում է Յավա եւ Սումատրա կղզիները, սակայն երկար ժամանակ փրկարարները չեն կարողացել հայտնաբերել ոչ նավը, ոչ էլ նրա ուղեւորներին: Որոնումները դադարեցվել են, սակայն վերջին պահին խավարում մարդկանց ձայներ են լսվել: Փրկվածներն Աֆղանստանի քաղաքացիներ են եղել:
Ավստրալիայի ռազմածովային ուժերի պարեկային ծառայությունը ջրում՝ ապօրինի ներգաղթյալներով նավի խորտակման ենթադրյալ շրջանում, հայտնաբերել եւ դուրս է բերել 16 մարդու։
Ըստ Ավստրալիայի արտակարգ իրավիճակների ծովային վարչության (AMSA)` ինքնաթիռի օդաչուն հայտնել էր ջրում եւս մի քանի մարդ հայտնաբերելու մասին: Նրանց փրկելու գործողությանը միացել էին երեք նավ:
Ավելի վաղ AMSA-ն հայտնել էր 6 տղամարդու փրկության մասին: Մարդկանց հայտնաբերել էր առետրային նավի անձնակազմը, որը մասնակցում էր որոնումներին, հաղորդում է «ՌԻԱ Նովոստին»:
