ԱՄՆ Հանրապետական կուսակցության համագումարին նվաստացրել են սևամորթ լրագրողուհուն
Տամպա քաղաքում անցկացվող Հանրապետական կուսակցության համազգային համագումարի երկու մասնակիցներ ընկույզներ են նետել CNN հեռուստաալիքի սևամորթ լրագրողուհու ուղղությամբ: Այս մասին հաղորդում է CNN-ը:
Բազմաթիվ ականատեսներ պատմել են, որ ընկույզները նետելով` խուլիգանները բացականչել են. «Այսպես մենք կերակրում ենք մեր կենդանիներին»: Միջադեպը արագ հարթվել է, երբ անվտանգության աշխատակիցները այդ երկուսին դուրս են բերել դահլիճից:
Համագումարի կազմակերպիչները պաշտոնապես ներողություն են խնդրել լրագրողուհուց և հեռուստաալիքից, դատապարտել խուլիգանների արարքն ու այն անընդունելի անվանել: Ի դեպ, այդ ակցիան կարող է կազմակերպված սադրիչ բնույթ ունենալ:
