Նորոգվող տանիքը փլուզվել է նորոգողների վրա. մեկը զոհվել է
ԱԻՆ լրատվական ծառայությունից տեղեկացնում են, որ այսօր՝ օգոստոսի 30-ին, ժամը 09.18-ին տեղեկություն է ստացվել Տավուշի մարզի Տավուշ գյուղում անասնագոմի տանիքի փլուզման մասին: Դեպքի վայր է մեկնել Բերդ քաղաքի հրշեջ-փրկարարական ջոկատի հրամանատարը: Տեղում պարզվել է, որ անասնագոմում նորոգման աշխատանքներ կատարելիս փլուզվել է տանիքը, ինչի հետևանքով բնակիչներ՝ 1931 թ. ծնված Աշոտ Սմբատյանը եվ 1937 թ. ծնված Աղավնի Պետրոսյանը ստացել են տարբեր աստիճանի մարմնական վնասվածքներ և հոսպիտալացվել Բերդ քաղաքի բժշկական կենտրոն, որտեղ Ա. Սմբատյանը մահացել է: Բժիշկները Ա. Պետրոսյանի առողջական վիճակը գնահատել են բավարար:
