Իգդիրում լրտեսության մեղադրանքով 10 իրանցի է ձերբակալվել
Թուրքիայի Իգդիր նահանգում Իրանի օգտին լրտեսություն կատարելու մեղադրանքով 10 մարդ է ձերբակալվել, տեղեկացնում է Hurriyet-ը:
Հատուկ գործողությունների ընթացքում ձերբակալվածներից երկուսն Իրանի քաղաքացիները են, ովքեր մեղադրվում են Թուրքիայի տարածքում գտնվող սիրիացի ընդդիմադիրների մասին Իրանի իշխանություններին տեղեկություններ հաղորդելու մեջ:
Ինչպես տեղեկացնում է պարբերականը, ձերբակալվածներին թուրքական հատուկ ծառայությունները հետևել են շուրջ մեկ տարի: Հաստատվել է, որ նրանք տեսա-լուսանկարահանել են ոստիկանության շենքերն ու ռազմական կառույցները: Հավաքված տեղեկությունները փոխանցվել են Իրանի հատուկ ծառայություններին:
Բացի Իրանի քաղաքացիներից, նույն մեղադրանքով ձերբակալվել են նաև 8 թուրքեր: Հարուցվել է քրեական գործ:
