«Պաշտոնյաներն այնքան հարուստ են, որ ուղղաթիռով կարող են գնալ հենց էդ տեղը իջնել, կրակել»
«Օրինավոր որսի ակումբ» հասարակական նախաձեռնության ղեկավար Էդուարդ Սարիբեկյանը 168.am-ի թղթակցի հետ զրույցում ասաց, որ Հայաստանի մի շարք պաշտոնյաներ զբաղվում են որսորդությամբ: Նրա խոսքով՝ Հայաստանի պաշտոնյաները որսը կազմակերպում են Հայաստանի տարբեր տարածքներում. այծյամ որսում են Իջևանում, Շամշադինում, Դիլիջանում, Ղափանում, մուֆլոնը հիմնականում լինում է Սևակավանի հատվածներում, քարայծ`Եղեգնաձորում, հանդիպում է նաև Իջևանում. «Փառք Աստծո կամ ի դժբախտություն մեզ, էսօր մեր պաշտոնյաներն այնքան հարուստ են, որ ուղղաթիռով կարող են գնալ հենց էդ տեղը իջնել, կրակել»,- ասում է Սարիբեկյանը:
Ըստ նրա`պաշտոնյաներից շատերը չեն գիտակցում, որ որսագողությամբ զբաղվելը լավ երևույթ չէ: Նա չի մեղադրում այն պաշտոնյաներին, ովքեր որսագողություն են անում. «Ես մեղադրում եմ, որ այդ ամենն օրինակացված չէ: Թող պետությունը դա օրինականացնի, պաշտոնյաներն էլ լիցենզիա ստանան»:
