Իսակովի պողոտայում վրաերթից զոհվածը նշում էր իր ծննդյան օրը
Ոստիկանության լրատվական ծառայությունից տեղեկացնում են, որ երեկ՝ օգոստոսի 27-ին, ժամը 23.45-ի սահմաններում, «ԲՄՎ» մակնիշի ավտոմեքենայի վարորդը Ծովակալ Իսակովի պողոտայում վրաերթի է ենթարկել 1960 թ. ծնված Վաչագան Հայրապետյանին, ով մարմնական վնասվածքներով տեղափոխվել է հիվանդանոց, որտեղ էլ օգոստոսի 28-ին, ժամը 00.30-ին, գիտակցության չգալով, մահացել է: Կատարվում է քննություն:
Ըստ մամուլի տեղեկությունների՝ «ԲՄՎ»-ի վարորդը 36-ամյա Ռոբերտ Գեւորգյանն է, ով ԱԺ պատգամավոր Սեյրան Սարոյանի թիկնազորի անդամներից է: Իսկ զոհվածը երեկ նշելիս է եղել իր ծննդյան օրը և գնացել էր խանութ՝ գնումներ կատարելու:
Հատկանշական է, որ այս դեպքում ևս ոստիկանության հաղորդագրության մեջ նշվում է միայն տուժողի անունը, իսկ վրաերթ կատարողինը՝ ոչ: Չի նշվում նաև մեքենայի համարանիշը:
