Թեհրանում սկսվեց Չմիավորման շարժման երկրների ԱԳ նախարարների գագաթնաժողովը
Այսօր Իրանի մայրաքաղաք Թեհրանում սկսվել է Չմիավորման շարժման անդամ երկրների արտգործնախարարների մասնակցությամբ հրավիրված գագաթնաժողովը: Այս մասին հաղորդում է PressTV-ն:
Ավելի քան 100 երկիր է մասնակցում գագաթնաժողովին, որը կիրակի մեկնարկել էր Թեհրանում փորձագետների մակարդակով:
Չմիավորման շարժման նիստի` փորձագետների մակարդակով բացման ժամանակ Իրանը իր վրա է վերցրել առաջիկա երեք տարիներին Չմիավորման շարժման նախագահությունը:
Գագաթնաժողովի շրջանակում շարժմանն անդամակցող պետությունների ու կառավարությունների ղեկավարների հանդիպումը տեղի կունենա օգոստոսի 28-29-ը Թեհրանում: Գագաթնաժողովը կբացվի Իսլամական հեղափոխության առաջնորդ այաթոլլա Սեիդ Ալի Խամենեի ելույթով:
Միջազգային գագաթնաժողովը միավորում է աշխարհի 118 պետության:
