Պայթյուններ Դամասկոսի հայաշատ թաղամասերից մեկում
Դամասկոսի ամենաապահով արվարձանում՝ Ջարամանայում, օգոստոսի 27-ի լույս 28-ի գիշերը 2 (այլ տվյալներով՝ 3) ականապատ ավտոմեքենա է պայթեցվել, հայտնում է ANC Cyprus-ը:
Արվարձանում, որի բնակչության 70 տոկոսը քրիստոնյաներ են, 250 հայ ընտանիք է բնակվում:
Ըստ սիրիական SANA գործակալության՝ պայթյունի հետևանքով վարորդները զոհվել են:
ՄԱԿ–ի տվյալներով՝ Սիրիայի կառավարական զորքի և ընդդիմադիրների միջև ավելի քան մեկ ու կես տարի ընթացող բախումների հետևանքով ավելի քան 20.000 մարդ է սպանվել։
