Տուժածի առողջական վիճակը բավարար է
Օգոստոսի 26-ին` ժամը 12:00-ի սահմաններում օձի խայթոցից թունավորումով Արարատի մարզի Արտաշատի հիվանդանոց էր տեղափոխվել Նարեկ գյուղի բնակիչ` 1953թ. ծնված Էդիկ Ղարուխանյանը: Նախնական տեղեկությունների համաձայն` տուժածի առողջական վիճակը եղել էր կայուն ծանր:
168.am-ի հետ հեռախոսազրույցում Արտաշատի հիվանդանոցի տնօրեն Ավիկ Պետրոսյանն ասաց. «Տուժածի առողջական վիճակը բավարար է: Երեկվա համեմատ դրական տեղաշարժ կա: Կանխատեսումը դրական է: Նման դեպքերում բուժման համապատասխան կուրս են ստանում և հիվանդանոցոջմ մնում են մոտ 1 շաբաթ»:
