Իրանում ռազմական ուղղաթիռ է կործանվել. 4 զոհ կա
Իրանում այսօր՝ օգոստոսի 25-ին, կործանվել է ռազմական ուղղաթիռ: Օդանավը պատկանել է Իսլամական հեղափոխության պահապանների կորպուսին: Այն կործանվել է երկրի հյուսիս-արեւմուտքում, 4 զինծառայողներ զոհվել են. հաղորդում է իրանական IRNA գործակալությունը՝ վկայակոչելով ռազմական հրամանատարությանը:
Միջադեպը տեղի է ունեցել Սարդաշտ քաղաքի մոտ` Իրաքի սահմանի հարևանությամբ: Վթարի պատճառը տեխնիկական անսարքությունն է եղել:
Ռազմական հրամանատարությունը ցավակցել է զոհվածների հարազատներին եւ պահապանների կորպուսին:
