Էկվադորում ուղևորատար ավտոբուսը գլորվել է ձորը
Էկվադորում ուղևորատար ավտոբուսը գահավիժել է ավելի քան 300 մետրանոց ձորը: Ճանապարհատրանսպորտային պատահարը տեղի է ունեցել նախօրեին, տեղեկացնում է rosbalt.ru կայքը:
Համաձայն նախնական տվյալների` 12 մարդ զոհվել է, ավելի քան 20-ը ստացել են տարբեր աստիճանի վնասվածքներ, բոլորն էլ հոսպիտալացվել են Մաչալա քաղաքի բժշկական հաստատություններ:
Ողբերգությունը տեղի է ունեցել մի վայրում, որը հայտնի է որպես La ruta del diablo («Սատանայի ճանապարհ»):
Համաձայն ողջ մնացած ուղևորների` վարորդը կորցրել է կառավարումն ու ավտոբուսը, դուրս գալով ճանապարհի երթևեկելի մասից, ընկել է կիրճը:
Գրեթե բոլոր ուղևորները էլ Օրո գավառի գյուղացիներ են: Դեպքի վայրում դեռ աշխատում են փրկարարները:
