Վանդալները ներկել են Ռուսաստանի առաջին նախագահի արձանը
Անհայտ անձինք Եկատերինբուրգում ներկ են լցրել Բորիս Ելցինի արձանի վրա: Այս մասին տեղեկացնում է interfax-ը: Վանդալիզմի այս դեպքի կապակցությամբ տեղի ոստիկանությունը գործ է հարուցել, սակայն եթե անգամ հայտնաբերվի հանցագործը, նրան սպառնում է առավելագույնը 3 ամսվա կալանք նմանատիպ արարքի համար: Գործակալությունը հաղորդում է նաև, որ ներկը դեռևս չեն մաքրել, իսկ արձանը, որ ծածկվել է շորով, շրջափակված է ոստիկանների կողմից:
Եկատերինբուրգում Բորիս Ելցինի ծննդավայրն է, և Ռուսաստանի առաջին նախագահի պատվին, նրա մահվանից հետո, այստեղ որոշվել է նրա արձանը կանգնեցնել:
