Տաջիկստանի իշխանությունները համաձայնել են զորքերը դուրս բերել խռովահույզ Խորոգից
Տաջիկստանի իշխանությունները համաձայնել են կատարել խռովահույզ Խորոգ քաղաքի բնակիչների պահանջն ու դուրս բերել զորքերը քաղաքից: Այս մասին հայտնում է «Ռադիո Օզոդին» («Ազատություն» ռադիոկայանի տեղական ծառայությունը):
Համապատասխան որոշումը կայացվել է հանդիպմանը, որին մասնակցել են երկրի պաշտպանության նախարարության ու ՆԳՆ-ի աշխատակիցները, ինչպես նաև ցուցարարների ներկայացուցիչները:
Ինչպես հաղորդում է Central Asian News-ը, Խորոգից ու մերձակա տարածքներից արդեն դուրս են բերվում զորքերը: Ցուցարարները, իրենց կողմից, խոստանում են ավարտել բողոքի ակցիան օրվա վերջում:
Հուլիսյան օպերացիաներից հետո, հիշեցնենք, իշխանություններն սկսել են դուրս բերել զորքերը ու հատուկ ծառայությունների ստորաբաժանումները: Սակայն մինչ օրս գործընթացը չէր ավարտվել, ինչը հարուցել էր տեղացիների դժգոհությանը:
Խորոգում միտինգը սկսվել է օգոստոսի 22-ին: Դրա համար առիթ է ծառայել դաշնային նախկին հրամանատար Իմամնազար Իմամնազարովի` տեղի զինված խմբավորումներից մեկի ղեկավարի սպանությունը, որի դեմ հատուկ գործողություն էր սկսվել հուլիսին:
Օգոտոսի 22-ին սկսված բողոքի ակցիային մասնակցել է մի քանի հազար մարդ: Վերջիններս պահանջել են տեղական վարչակազմի հրաժարականը:
