Լիբանանում ևս վիճակը խիստ լարված է
Լիբանանյան Տրիպոլի քաղաքում հայկական համայնքն անհանգիստ է: Լիբանանում չի բացառվում սիրիական դեպքերի կրկնությունը: Երկրի Տրիպոլի քաղաքում արդեն բախումներ են ընթանում Սիրիայի իշխանությունների կողմնակից ալևի մահմեդականների ու ընդդիմության թևի՝ սուննի մահմեդականների միջև: Այս մասին տեղեկացրել են լիբանանահայ համայնքի ներկայացուցիչները:
Թեև Տրիպոլի քաղաքում հայկական համայնքը շատ փոքր է, իսկ քաղաքը մոտ 100 կմ հեռավորության վրա է գտնվում Բեյրութից, սակայն հայկական համայնքի ներկայացուցիչներն անհանգստացած են, մարդիկ՝ վախեցած:
