Սիրիահայերի վարորդական վկայականները կփոխանակվեն առանց որակավորման քննությունների
Հայաստանում սիրիահայերի վարորդական վկայականները կփոխանակվեն առանց որակավորման քննություններ հանձնելու: Այս մասին այսօր որոշում կընդունվի ՀՀ կառավարության նիստում:
Վարորդական վկայականը փոխանակելու համար քննական մարմին անհրաժեշտ կլինի ներկայացնել անձնագիր կամ անձը հաստատող այլ փաստաթուղթ, իսկ դրանցում Հայաստանի Հանրապետությունում անձի հաշվառման (փաստացի բնակության) վայրի մասին տեղեկության բացակայության դեպքում` նաև հաշվառման (փաստացի բնակության) վայրի մասին տեղեկանք, և վարորդական վկայական տալու համար օրենքով սահմանված պետական տուրքի վճարման անդորրագիր:
